ترکی کی روس کے ساتھ ایس 400 ائیر ڈیفینس سسٹم کی ڈیل پر امریکہ کی پریشانی

روس سے ایس 400 نظام خریدنے کے ارادے پر اس کے نیٹو کے ساتھ تعلقات کشیدہ ہوتے نظر آ رہے ہیں
امریکہ اور ترکی جو کہ نیٹو میں اہم اتحادی ہیں موسم گرما میں تصادم کی راہ پر جاتے ہوئے دکھائی دے رہے ہیں۔
ترکی کا اصرار ہے کہ وہ روس سے ایس 400 ائیر ڈیفینس سسٹم خریدے گا۔
میزائلوں کی پہلی کھیپ اور اس سے منسلک ریڈار جولائی میں ترکی کے حوالے کیے جا سکتے ہیں۔
امریکہ انقرہ سے اصرار کر رہا ہے کہ وہ اس فیصلے پر نظر ثانی کرے۔ ترکی کو یہ تنبیہہ کی گئی ہے کہ اگر وہ یہ معاہدہ کرتا ہے تو اس کے ساتھ ایف 35 جنگی طیاروں کا پروگرام ختم کر دیا جائے گا۔ ایف 35 وہ جدید امریکی جنگی طیارے ہیں جن سے آنے والے برسوں میں نیٹو فورسز کی فضائی طاقت میں اضافہ کیا جائے گا۔

•